Back Лос-Анџьелес Abkhazian Los Angeles Afrikaans ሎስ አንጄሌስ Amharic Los Angeles AN Lōsandgelis ANG لوس أنجلوس Arabic لوس انجليس ARZ Los Angeles AST Los Angeles Aymara Los-Anceles Azerbaijani
Los Angeles [lɔːs ˈændʒələs] (us em schbanische Los Ángeles [losˈaŋxeles] ‚D Ängel‘) oder au churz L.A., isch die grössti Stadt im US-Bundesstaat Kalifornie. Si lit am Pazifische Ozean und am Los Angeles River. Los Angeles het 3.831.868 Iiwooner (2009) und isch noch sim Stadtgebiet die zwäitgrössti Stadt vo de Veräinigte Staate noch Nöi York. Mit 11,8 Millione Iiwohner in dr Agglomerazioon, knapp 13 Millione Iiwooner in dr Metropolregion (Metropolitan Statistical Area) und 17,8 Millione in dr erwiiterete Metropolregion stoot d Greater Los Angeles Area under de grösste Metropolregione uf dr Wält uf em 17. Blatz. Dä Iiwooner vo Los Angeles säit mä Angelenos (ændʒəˈlinoʊz). Los Angeles isch d Hauptstadt und dr Verwaltigssitz vom Los Angeles County. D Stadt isch s Wirtschafts-, Gschäfts- und Kulturzentrum vo Kalifornie und es het dört e Hufe Universidäte, Hochschuele, Forschigsinstitut, Theater und Museä. Los Angeles isch dr grösst Standort für d Flugzüüg-- und Ruumfaartindustrii uf dr Wält und isch bekannt wäge dr Film- und Färnseeindustrii (Hollywood), wo düer aasässig isch, und dr Muusigszeene.